កុំដាំស្រូវនៅផ្លូវដំរី
អត្ថាធិប្បាយភាសិត
សុភាសិត «កុំដាំស្រូវនៅផ្លូវដំរី» នេះ លោកចង់ណែនាំថា មុននឹងលើកដៃធ្វើអ្វីមួយត្រូវគិតសិន ប្រមើលមើលឲ្យឃើញថា ផលល្អ និងផលអាក្រក់ តើផលណាអាចនឹងកើតមានច្រើនជាង ? ពិតមែន គ្មានអ្នកណាអាចដឹងជាមុននូវលទ្ធផលដែលកើតពីទង្វើគ្រប់យ៉ាងដែលគេបានធ្វើហើយនោះទេ ។ ប៉ុន្តែបើគេចេះពិចារណាមុនគេធ្វើអ្វីមួយ បើមានកំហុសកើតឡើង ក៏វាមិនធំប៉ុន្មានដែរ ។
នៅក្នុងព្រៃ ហ្វូងដំរីច្រើនជ្រើសរើសយកផ្លូវមួយសម្រាប់ដើរចុះឡើង ។ បើវាកំណត់យកផ្លូវណាមួយហើយ វានឹងដើរតាមផ្លូវនោះគ្រប់ពេល ប្រសិនបើគ្មានមនុស្សមកគំរាមកំហែងវាទេ ។ បើដឹងថា ផ្លូវនោះ ឬថាម្ដុំត្រង់នោះជាទីដែលដំរីដើរកាត់ ហើយយើងទៅដាំស្រូវនៅត្រង់នោះ តើមានវិធីណាដើម្បីទប់ទល់រារាំងដំរីកុំឲ្យស៊ីស្រូវ ? ដេកចាំយាម ២៤ម៉ោង ទល់ ២៤ម៉ោង ?
ពាក្យថា «ដំរី» នៅទីនេះ គ្រាន់តែជាពាក្យឧបមា ។ ឯពាក្យឧបមេយ្យវិញ គឺយោងទៅដល់ «មនុស្សមិនល្អ» ។ បើគេដឹងថាតំបន់ត្រង់នោះ (ទីណាមួយ) ជាជម្រកនៃមនុស្សមិនល្អ ហើយយើងទៅសង់ផ្ទះនៅទីនោះ យើងប្រហែលជាមិនសូវបានសេចក្ដីសុខប៉ុន្មានទេ ព្រោះយើងទៅនៅ «ចំផ្លូវដំរី» ។
បើយើងដាំឈើស៊ីផ្លែ (ត្របែក ស្វាយ ចេក ទៀប ល្ហុង ។ល។) នៅត្រង់កន្លែងដែលមានមនុស្សភាគច្រើនដើរកាត់ចុះឡើង ផ្លែឈើទាំងនោះប្រហែលជាមិនគង់បានច្រើនទេ ។ គប្បីចំណាំថា ក្នុងលោកនេះ គេមិនងាយរកឃើញមនុស្ស «សុចរិត» នោះទេ ។ មនុស្សពោរពេញទៅដោយលោភៈ បានហើយចង់បានទៀតមិនចេះស្កប់ស្កល់ ។ កាលណាឱកាសហុចឲ្យ មនុស្សភាគច្រើនមុខជា «រពឹសដៃ» មិនខាន ។
នៅក្នុងព្រៃ ហ្វូងដំរីច្រើនជ្រើសរើសយកផ្លូវមួយសម្រាប់ដើរចុះឡើង ។ បើវាកំណត់យកផ្លូវណាមួយហើយ វានឹងដើរតាមផ្លូវនោះគ្រប់ពេល ប្រសិនបើគ្មានមនុស្សមកគំរាមកំហែងវាទេ ។ បើដឹងថា ផ្លូវនោះ ឬថាម្ដុំត្រង់នោះជាទីដែលដំរីដើរកាត់ ហើយយើងទៅដាំស្រូវនៅត្រង់នោះ តើមានវិធីណាដើម្បីទប់ទល់រារាំងដំរីកុំឲ្យស៊ីស្រូវ ? ដេកចាំយាម ២៤ម៉ោង ទល់ ២៤ម៉ោង ?
ពាក្យថា «ដំរី» នៅទីនេះ គ្រាន់តែជាពាក្យឧបមា ។ ឯពាក្យឧបមេយ្យវិញ គឺយោងទៅដល់ «មនុស្សមិនល្អ» ។ បើគេដឹងថាតំបន់ត្រង់នោះ (ទីណាមួយ) ជាជម្រកនៃមនុស្សមិនល្អ ហើយយើងទៅសង់ផ្ទះនៅទីនោះ យើងប្រហែលជាមិនសូវបានសេចក្ដីសុខប៉ុន្មានទេ ព្រោះយើងទៅនៅ «ចំផ្លូវដំរី» ។
បើយើងដាំឈើស៊ីផ្លែ (ត្របែក ស្វាយ ចេក ទៀប ល្ហុង ។ល។) នៅត្រង់កន្លែងដែលមានមនុស្សភាគច្រើនដើរកាត់ចុះឡើង ផ្លែឈើទាំងនោះប្រហែលជាមិនគង់បានច្រើនទេ ។ គប្បីចំណាំថា ក្នុងលោកនេះ គេមិនងាយរកឃើញមនុស្ស «សុចរិត» នោះទេ ។ មនុស្សពោរពេញទៅដោយលោភៈ បានហើយចង់បានទៀតមិនចេះស្កប់ស្កល់ ។ កាលណាឱកាសហុចឲ្យ មនុស្សភាគច្រើនមុខជា «រពឹសដៃ» មិនខាន ។
ដោយ ម៉ែន រៀម សៀវភៅរសជាតិភាសាខ្មែរ
-ចប់-
0 comments:
Post a Comment
លោកអ្នកអាចបញ្ចេញមតិនៅទីនេះបាន តែសូមជៀសវាងការប្រើពាក្យ អសុរសមិនសមរម។ អរគុណ!